ClearTax Cloud-based software for the
BIG deadline month

  • 100% Cloud-based software – Work from anywhere, anytim
  • The fastest way to prepare and file GST, TDS, IT returns
  • Save on Taxes for clients/business with Advanced Reports
  • Lets you file a nil GSTR-3B return exclusively in under 30 seconds
  • Get GSTR-3B auto-prepared with GSTR-1

சரக்கு மற்றும் சேவை வரி அல்லது ஜிஎஸ்டி வரும் ஜூலை மாதம் 1ஆம் தேதி முதல் நடைமுறை படுத்தப்படஉள்ளது. இது நாம் வரி செலுத்தும் முறையில் பெரும்மாற்றங்களை கொண்டு வரும். ஆனால், ஜிஎஸ்டி என்றால் என்ன மற்றும் அது எவ்வாறு நமது வரி செலுத்தும் அமைப்பை சீர்திருத்தும்? மிக முக்கியமாக, நமது நாட்டின் வரிவிதிப்பு முறைகளில் ஏன் இத்தகைய பெருஞ்சீர்ப்படுத்துதல் அவசியமாகிறது? இத்தகைய கேள்விகளுக்கு இந்த கட்டுரை பதிலளிக்கிறது.

பொருளடக்கம்

  1. ஜிஎஸ்டி என்றால் என்ன?
  2. ஏன் சரக்கு மற்றும் சேவை வரி மிக முக்கியமானது?
  3. ஜிஎஸ்டி எவ்வாறு செயல்படுத்தப்படுகிறது?
  4. இந்தியாவும் மற்றும் சராசரி மனிதனும் எவ்வாறு ஜிஎஸ்டி மூலமாக பயனடைகிறார்கள்?
  5. இந்தியாவில் ஜிஎஸ்டி –  விரிவான வரலாறு
  6. தொகுப்பு

1. ஜிஎஸ்டி என்றால் என்ன?

ஜிஎஸ்டி என்பது புரிந்துகொள்ளத்தக்க, பன்னிலை கொண்ட, இலக்கைப்பொறுத்த ஒரு வரிவிதிப்பு முறை என்று கூறலாம். ஒவ்வொரு மதிப்புகூட்டுதல் செயல்களுக்குப் பின்னர் இந்த வரி விதிக்கப்படுகிறது.

இந்த வரையறையை புரிந்து கொள்ள இதனுள் அடங்கியுள்ள கருத்தாக்கங்களை நாம் முதலில் புரிந்து கொள்ள வேண்டும். முதலில், பன்னிலை என்பது பற்றி காண்போம். ஒரு பொருளானது பல நிலைகளைக் கடந்து தயாரிப்பு என்னும் நிலையில் இருந்து இறுதிவிற்பனை என்னும் நிலையை அடையும். முதல் நிலையானது மூலப்பொருட்களை வாங்குவது ஆகும். இரண்டாம் நிலை பொருளின் தயாரிப்பு நிலை ஆகும். பின்னர், பொருட்களை கிடங்கில் இருப்பு வைத்தல் என்பது அடுத்த நிலை ஆகும். அதன் பின்னர், பொருள் விற்பனையாளருக்கு விற்கப்படுகின்றது.  இறுதி நிலையாக, விற்பனையாளர் பொருளை இறுதி பயனரான உங்களுக்கு விற்கிறார் – இவ்வாறாக அந்த பொருள் அதன் வாழ்க்கை சுழற்சியை நிறைவு செய்கிறது.

இந்த நிலைகளை தன்னுள் கொண்ட ஒரு படத்தை கீழே காணலாம்:

Screen Shot 2017-05-31 at 12.17.53 PM

ஒவ்வொரு நிலையிலும் சரக்கு மற்றும் சேவை வரி செலுத்தப்படுகின்றது. ஆகையால் இது பல்நிலை வரிவிதிப்பு என்றே கொள்ளலாம். எப்படி? மதிப்புகூட்டுதல் என்பதைப் பற்றி அறிந்து கொண்டு, பின்னர் அதைப்பற்றி காணலாம்.

ஒரு உற்பத்தியாளர் ஒரு சட்டையை உற்பத்தி செய்கிறார் என்று கருதுக் கொள்வோம். அதற்காக அவர் நூலிழையை வாங்கவேண்டும். இந்த நூலிழையைக் கொண்டு சட்டை தயாரிக்கப்படுகிறது. இவ்வகையில், அந்த நூலிழை சட்டையாக நெய்யப்பட்டபின் அதன் மதிப்பு அதிகரிக்கிறது. பின்னர், அந்த சட்டையை உற்பத்தியாளர் பண்டகசாலை முகவரிடம் விற்கிறார். அவர் ஒவ்வொரு சட்டையிலும் அடையாளமுத்திரையை ஒட்டுகிறார்.  இந்த மதிப்புகூட்டலுக்குப் பின்னர், பண்டகசாலை முகவர் அந்த சட்டையை சில்லரை விற்பனையாளரிடம் விற்கிறார். இவ்விற்பனையாளர் ஒவ்வொரு சட்டையையும் தனித்தனியாக பொதிசெய்கிறார். அவர் அந்த சட்டையை சந்தைப்படுத்தி அதன் மதிப்பை மேலும் அதிகரிக்கிறார்.

Screen Shot 2017-05-31 at 1.04.48 PM

ஒவ்வொரு மதிப்புகூட்டல் நிலையிலும் ஜிஎஸ்டி செலுத்தவேண்டும் – ஒவ்வொரு நிலையிலும் பணமதிப்பு கூட்டப்பட்டு இறுதியாக வாடிக்கையாளரிடம் விற்பனை செய்யப்படுகிறது .

இலக்கைப்பொறுத்த வரி – என்பதைப் பற்றி நாம் காண்போம். அனைத்து நிலையில் நிகழும் விற்பனைகளுக்கு சரக்கு மற்றும் சேவை வரி செலுத்தப்படவேண்டும். முன்னதாக, ஒரு பொருள் தயாரிக்கப்படும்போது, மத்திய அரசு உற்பத்தியின் மீது உள்நாட்டு பொருள் வரி வசூலிக்கும். பின்னர், அந்த மாநில அரசின் மதிப்புகூட்டு வரியைச் சேர்த்தபின்னர் பொருள் அடுத்த நிலைக்கு விற்கப்படும். பின்னர், விற்குமிடங்களில் மதிப்புகூட்டு வரியுடன் அந்த பொருள் விற்கப்படும்.

எனவே, தற்போது வரிவிதிப்பு முறை கீழே விளக்கப்பட்டுள்ளது:

Screen Shot 2017-05-31 at 12.47.32 PM

தற்போது, சரக்கு மற்றும் சேவை வரி ஒவ்வொரு விற்பனை நிலையத்திலும் வசூலிக்கப்படும். தயாரிப்பு பணிகள் அனைத்தும் ராஜஸ்தானில் நடக்கிறது என்று கருதுவோம். இறுதிவிற்பனை கர்நாடகாவில் நடக்கிறது என்று கருதுவோம். தயாரிப்பு நிலை மற்றும் பண்டகசாலையில் வைக்கும் நிலை மூலமாக ராஜஸ்தான் மாநிலம் வரி வருவாயை பெறும், ஏனெனில், சரக்கு மற்றும் சேவை வரி என்பது பயனாளர் நிலையில் வசூலிக்கப்படுகிறது. ஆனால் அந்த பொருள் ராஜஸ்தானை விட்டு வெளியேறி கர்நாடகாவில் உள்ள வாடிக்கையாளரை அடையும்போது வரி இழப்பை ராஜஸ்தான் எதிர்கொள்கிறது. இறுதி விற்பனையின் வரியை கர்நாடகா பெறும், ஏனெனில் ஜிஎஸ்டி என்பது இலக்கைப்பொறுத்ததாகும். இந்த வரி என்பது இறுதிவிற்பனை நிலையத்தில்/கடையில் இருந்து கர்நாடக அரசு பெற்றுக்கொள்ளும்.

2. ஏன் சரக்கு மற்றும் சேவை வரி மிக முக்கியமானது?

ஜிஎஸ்டி பற்றி அறிந்துகொண்டோம். அது தற்போதுள்ள வரியமைப்பையும் பொருளாதாரத்தையும் எவ்வாறு உருமாற்றும் என்பதை இனி காண்போம்.

தற்போது, நேரடி மற்றும் மறைமுக வரிகள் என்னும் இருவகையான வரி விதிப்புமுறைகள் நடைமுறையில் உள்ளன. நேரடி வரி செலுத்திய பின், அந்த வரிச்சுமையை பிறருடன் பகிர இயலாது. எ.டு: நமது வருமானத்திற்கு உரிய வருமானவரியை நாமே செலுத்த வேண்டும். இந்த வரியை வேறு ஒருவர் நமக்காக செலுத்த இயலாது.

ஒருவர் தான் செலுத்திய மறைமுக வரியை பிறரைச் செலுத்தச்- செய்யலாம். எடுத்துக்காட்டாக, ஒரு கடைகாரர் தான் செலுத்திய மதிப்புகூட்டு வரியை, தமது வாடிக்கையாளரிடம் இருந்து பெறலாம். எனவே, ஒரு வாடிக்கையாளர் பொருளின் விலையுடன் அதற்குண்டான மதிப்பு கூட்டுவரியையும் சேர்த்து கடைக்காரரிடம் செலுத்த வேண்டும். பின்னர், அவர் அந்த வரியை அரசிடம் செலுத்துவார். பொருளின் விலை மற்றும் வரிச்சுமையையும் ஏற்றுக்கொள்வதால், ஒரு பொருளை வாங்க வாடிக்கையாளர் அதிக முதலீடு செய்யவேண்டியுள்ளது.

ஏன்னெனில் கடைக்காரர் அப்பொருளை மொத்த விற்பனையாளரிடம் இருந்து வாங்கும்போதே அதற்க்குண்டான வரியினை செலுத்தியுள்ளார். அவ் வரித்தொகையையும் மற்றும் (அரசுக்கு செலுத்தவேண்டிய) மதிப்புக்கூட்டு வரித்தொகையையும் கடைக்காரர் வாடிக்கையாளரிடம் இருந்து கூடுதல் தொகையாக வசூலிக்கிறார். இதைத்தவிர கடைக்காரருக்கு மாற்றுவழி ஏதுமில்லை.

செயல்பாட்டுக்கு வந்தபின், இந்த பிரச்சினையை ஜிஎஸ்டி சரி செய்யும். உள்ளீட்டு வரிவரவு என்னும் அமைப்பை ஜிஎஸ்டி உள்ளடக்கியுள்ளது. எனவே, விற்பனையாளர்கள் தாங்கள் செலுத்திய வரியினை திரும்பபெறலாம். எனவே, வாடிக்கையாளருக்கு உள்ள கூடுதல் வரிச்சுமை குறைகிறது.

3. ஜிஎஸ்டி எவ்வாறு செயல்படுகிறது?

ஒரு தேசிய வரி சீர்திருத்தம் நிச்சயமாக கடுமையான வழிமுறைகள் மற்றும் ஏற்பாடுகள் ஆகியவைகளைக் கொண்டிருக்க வேண்டும். எனவே, ஜிஎஸ்டி ஆட்சிக்குழு ஒரு பிழையேற்படுத்தாத செயல்பாட்டின் மூலமாக இந்த புதிய வரி முறையினை செயல்படுத்த உள்ளது. அதற்காக இந்த குழு ஜிஎஸ்டியை மூன்று வகைகளாக பிரித்துள்ளது. அதன் செயல்பாட்டினை எமது வல்லுநர்கள் உங்களுக்கு விளக்குவார்கள்.

சரக்கு மற்றும் சேவை வரி நடைமுறைக்கு வரும்போது, 3 வகையான சரக்கு மற்றும் சேவை வரிகள் இருக்கும்:

மத்திய அரசின் ஜிஎஸ்டி (CGST): வருவாய் மத்திய அரசால் வசூலிக்கப்படும்

மாநில அரசின் ஜிஎஸ்டி (SGST): மாநிலங்களின் இடையில் நடைபெறும் விற்பனையின் மூலம் வரும் வருவாய் மாநில அரசுகளால் வசூலிக்கப்படும்

மாநிலங்களுக்கு இடையேயான ஜிஎஸ்டி (IGST): மாநிலங்களுக்கு இடையில் நடைபெறும் விற்பனையின் மூலம் வரும் வருவாய் மத்தியஅரசால் வசூலிக்கப்படும்

பெரும்பாலும், புதிய அமைப்பின் கீழ் உள்ள வரித்திட்டம் கீழே கொடுக்கப்பட்டுள்ளது:

பரிமாற்றம் புதிய திட்டம் பழைய திட்டம் விளக்கக்குறிப்பு
மாநிலத்திற்கு உள்ளே விற்பனை மத்திய ஜிஎஸ்டி (CGST) + மாநில ஜிஎஸ்டி (SGST) மதிப்புக்கூட்டு வரி + மத்திய சுங்க/சேவை வரி வருவாய் மத்திய மற்றும் மாநில அரசுகளிடையே பகிர்ந்து கொள்ளப்படும்
மற்ற மாநிலத்திற்கு விற்பனை மாநிலங்களுக்கு இடையேயான ஜிஎஸ்டி (IGST) மத்திய விற்பனை வரி + சுங்க/சேவை வரி தற்போது, மாநிலங்களுக்கு இடையே விற்பனை எனில் ஒரே ஒரு (மத்திய) வரி மட்டும் இருக்கும்.

எடுத்துக்காட்டு

மகராஷ்டிராவில் உள்ள ஒரு வணிகர் சுமார் ரூ 10,000 மதிப்புள்ள பொருட்களை அதே மாநிலத்தில் உள்ள ஒரு வாடிக்கையாளருக்கு விற்றார். இந்த விற்பனையில், CGST விகிதம் 9% மற்றும் SGST விகிதம் 9% இரண்டையும் உள்ளடக்கிய சரக்கு மற்றும் சேவை வரி 18% ஆகும். இந்த விற்பனையில் வணிகர் ரூ 1800 வசூல் செய்கிறார். இந்த தொகையானது மகராஷ்டிர அரசின் பங்கு ரூ 900 மற்றும் மத்திய அரசின் பங்கு ரூ 900 இரண்டையும் உள்ளடக்கியது ஆகும்.

இப்போது, மகராஷ்டிராவில் உள்ள ஒரு வணிகர் குஜராத்தில் உள்ள ஒரு வணிகருக்கு சுமார் ரூ 10,000 மதிப்புள்ள பொருட்களை  விற்று உள்ளார். இந்த விற்பனையில், CGST விகிதம் 9% மற்றும் SGST விகிதம் 9% இரண்டையும் உள்ளடக்கிய சரக்கு மற்றும் சேவை வரி 18% ஆகும். இந்த விற்பனையில் வணிகர் ரூ 1800 ஐ IGST ஆக வசூல் செய்கிறார்.  இந்த IGST தொகை மத்திய அரசுக்கு செலுத்தப்படும். ஆகையால் CGST மற்றும் SGST ஆகியவைகளை செலுத்த வேண்டி இருக்காது.

4. ஜிஎஸ்டி எவ்வவாறு இந்தியாவிற்கும் சாதாரண மனிதனுக்கும் உதவி புரியும்?

மதிப்புகூட்டு தொடரில் தடையின்றி பயணிக்கும் உள்ளீட்டு வரிவிதிப்பே (ITC) சரக்கு மற்றும் சேவை வரியின் அடிப்படை ஆகும். தயாரிப்பின் ஒவ்வொரு நிலையிலும் முந்தைய நிலையில் செலுத்திய வரியை தொழில் நிறுவனம் உரிமைகூற முடியும். இதனை சரியாக புரிந்துகொள்ளுதல் தொழில் நிறுவனங்களுக்கு மிகவும் அவசியமாக ஆகிறது. விரிவான விளக்கம் இங்கே கொடுக்கப்பட்டுள்ளது.

இதைப் புரிந்துகொள்ள, முதலில் உள்ளீட்டு வரிவிதிப்பு என்பதை புரிந்து கொள்ளுதல் அவசியமாகிறது. உற்பத்தியில் பயன்படுத்திய உள்ளீடுகளுக்கு செலுத்திய வரியின் பலனை ஒரு நபர் பெறுவது ஆகும். எனவே, அந்த நபர் 10% வரி செலுத்தவேண்டுமெனில் அவர் முன்னதாக செலுத்திய வரியினை கழித்துக்கொண்டு மீதமுள்ள வரியை அரசுக்கு செலுத்தலாம்.

இதை ஒரு என்சார்புள்ள எடுத்துக்காட்டு மூலமாக புரிந்துகொள்வோம்.

ஒரு சட்டை உற்பத்தியாளர் ரூ 10௦ க்கு மூலப்பொருட்களை வாங்குகிறார் என்று கருதிக்கொள்வோம். வரி விகிதம் 10% என்று கொள்வோமாயின், அவர் வரித்தொகை ரூ10 செலுத்த வேண்டும். எனவே, சட்டையின் மொத்த விலை ரூ (100+10=) ரூ 110 ஆகும்.

அடுத்த நிலையில், மொத்தவிற்பனையாளர் அந்த சட்டையை தயாரிப்பாளரிடம் இருந்து ரூ110 செலுத்தி வாங்கி, அதில் விவரத்துணுக்குகளை இணைக்கிறார். அப்போது, அவர் பொருளின் மதிப்பை ரூ40 கூட்டுகிறார். மேலும், சுமார் 10% வரியை அவர் செலுத்தவேண்டியுள்ளது. இறுதியாக, அந்த சட்டையின் இறுதிவிலை ரூ (110+40=) 150 + 10% வரி = ரூ165.

தற்போது மொத்த விற்பனையாளரிடம் சில்லறை விற்பனையாளர் ரூ165 (வரி உட்பட) செலுத்தி சட்டையை வாங்கிக்கொள்கிறார். அந்த சட்டையை பொதியாக்கி மதிப்பைக் கூட்டுகிறார். இந்த மதிப்புக்கூட்டு செயலால் ரூ30 கூடுகிறது என்று கொள்வோம். இனி, அவர் இந்த தொகை மற்றும் மதிப்புகூட்டு வரித்தொகை (அவர் அரசுக்கு செலுத்த வேண்டிய வரித்தொகை) ஆகியவைகளை சேர்த்து இறுதி விலையை நிர்ணயிக்கிறார். அந்த சட்டையின் இறுதிவிலை ரூ214.5. இந்த விலையை எவ்வாறு அடைந்தோம் என்பதை கீழே காணலாம்:

விலை = ரூ 165 + மதிப்புக்கூட்டுதல்= ரூ 30 + 10% வரி = ரூ 195 + ரூ 19.5 = ரூ 214.5

எனவே, வாடிக்கையாளர் இறுதியாக ரூ 214.5 செலுத்தி சட்டையை வாங்குகிறார். ஆனால், அந்த சட்டையின் அடிப்படை விலை ரூ 170 மட்டுமே (ரூ 110 + ரூ 40 + ரூ 30).ஒவ்வொரு நிலையிலும் வரிச்சுமை அடுத்த நிலைக்கு திணிக்கப்படுகிறது. இறுதியாக மொத்த வரிச்சுமையும் வாடிக்கையாளர் சுமக்கிறார். இதைத்தான் வரியின் விழுதொடராக்கும் விளைவு என்று அழைக்கப்படுகிறது.

செயல் விலை 10% வரி மொத்தம்
மூலப்பொருட்களை வாங்குகிறார்ரூ100 100 10 110
தயாரிக்கிறார்ரூ40 150 15 165
மதிப்புக் கூட்டுகிறார்ரூ30 195 19.5 214.5
மொத்தம் 170 44.5 214.5

சரக்கு மற்றும் சேவை வரியை செலுத்தும்போது, செலுத்திய வரியிற்கு விலக்கு பெற்றுக்கொள்ளலாம். வரிக்கணக்கு தாக்கல் செய்யும்போது, ஏற்கனவே செலுத்திய வரிக்கு ஒரு நபர் விலக்கு பெறலாம்.

நம்முடைய எடுத்துக்காட்டில், மொத்த விற்பனையாளர் தயாரிப்பாளரிடம் இருந்து வாங்கும்போது 10% வரியை செலுத்திவிடுகிறார், ஏனெனில் வரிச்சுமையை அவர் அங்கு ஏற்றுக்கொள்கிறார். பின்னர், அவர் ரூ40 அளவுக்கு மதிப்பைக் கூட்டுவதன் மூலமாக பொருளின் விலை ரூ140 என்று ஆகிறது. இந்நிலையில் விலையின் 10%  வரியை அவர் அரசுக்கு செலுத்தவேண்டும். ஆனால், அவர் ஏற்கனவே ஒரு முறை வரியை தயாரிப்பாளரிடம் செலுத்தியபடியால், தான் செலுத்திய வரியினை கழித்துக்கொண்டு, மீதமுள்ள தொகையை மட்டும் அரசுக்கு செலுத்துகிறார் எ.டு.: ரூ140 இல் 10%= ரூ 14 – 10 = ரூ4). இப்போது, ரூ10 என்பது உள்ளீட்டு விதிப்பு (வரிவிலக்கு) ஆகும்.

அவர் ரூ4 வரியை அரசுக்கு செலுத்தும்போது, இந்த வரிச்சுமையை அவர் சில்லறை விற்பனையாளருக்குத் திணிக்கிறார். எனவே, அந்த சில்லறை விற்பனையாளர் ரூ 140+14= ரூ 154 செலுத்தி வாங்குகிறார். அடுத்த நிலையில், அந்த சில்லறை விற்பனையாளர் ரூ30 மதிப்புகூட்டியபின் 10% வரியை அரசுக்கு செலுத்தவேண்டும். இப்போது, அந்த சட்டையின் விலை ரூ170 ஆகிறது. இந்நிலையில், அவரின் 10% வரிச்சுமையை வாடிக்கையாளருக்கு அளிக்கிறார். அவர் ஏற்கனவே ரூ14  வரியை செலுத்தியுள்ளதால், அதை கழித்துக்கொண்டு மீதம் உள்ள தொகையை வரியாக செலுத்துகிறார் எ.டு.: ரூ (10% of 170=) ரூ 17-14 = ரூ 3. இப்போது அவர் சட்டையை ரூ(140+30+17) = ரூ187 க்கு வாடிக்கையாளருக்கு விற்கலாம்.

செயல் விலை 10% வரி உண்மையான கடப்பாடு மொத்தம்
மூலப்பொருட்களை வாங்குகிறார் 100 10 10 110
தயாரிக்கிறார் @ 40 140 14 4 154
மதிப்புக் கூட்டுதல்  ரூ 30 170 17 3 187
மொத்தம் 170 17 187

இறுதியாக, ஒவ்வொருமுறையும் ஒரு நபர் உள்ளீட்டு வரிவிதிப்பு காரணமாக வரிவிலக்கு பெறுகிறார். எனவே, குறைந்த வரிவிதிப்பின் காரணமாக பொருளின் விற்பனை விலை குறைகிறது. அந்த சட்டையின் இறுதிவிலை ரூ 214.5ல் இருந்து ரூ 187 என்று குறைகிறது. இதனால், வாடிக்கையாளரின் வரிச்சுமை குறைகிறது.

எனவே, சரக்கு மற்றும் சேவை வரி இருவருக்கும் நற்பலன் அளிக்கும். முதலில், அது வரியின் விழுதொடர் விளைவை குறைக்கும். இரண்டாவதாக, உள்ளீட்டு வரிவிதிப்பை அனுமதித்து வரிச்சுமையை குறைத்து இறுதி விலையை குறைக்கும்.

5. இந்தியாவில் ஜிஎஸ்டி – ஒரு விரிவான வரலாறு

ஜிஎஸ்டி என்பது ஒரு புதிய திட்டம் அல்ல. அது 1954ஆம் ஆண்டு பிரான்சு நாட்டில் முதன்முதலாக அமல்படுத்தப்பட்டது. அதன் பின்னர், பல நாடுகள் இந்த திட்டத்தை பின்பற்றி, தற்போது இது ஒரு உலகளளவில் பயன்படுத்தப்படும் ஒருதிட்டமாக உள்ளது. தற்போது இந்தியா இத்திட்டத்தை பின்பற்ற இருக்கும் இவ்வேளையில், நமது தேசத்தில் சரக்கு மற்றும் சேவையின் அறிமுகம் மற்றும் அது கடந்துவந்த பாதையையும் காண்போம்.

உலகில் முதன்முதலில் பிரான்சு நாடு ஜிஎஸ்டி வரிமுறையை 1954ஆம் ஆண்டில் செயல்படுத்தியது. பின்னர், இந்த வரிவிதிப்பு 159 நாடுகளால் பின்பற்றப்படுகிறது. பல நாடுகளில், ஜிஎஸ்டி வரிவிதிப்பு முறைக்குப் பதிலாக மதிப்புக்கூட்டு வரித்திட்டம் (VAT) செயல்படுத்தப்படுகிறது. ஆனால், அந்நாடுகளின் திட்டம் (VAT) இந்தியாவின் மதிப்புக்கூட்டு வரித்திட்டத்தில் இருந்து வேறுபட்டு, ஒற்றை மதிப்புக்கூட்டு வரித்திட்டமாக ஜிஎஸ்டி போன்றே செயல்படுத்தப்படுகிறது.

இந்தியாவில், 2000ஆம் ஆண்டு அப்போதைய பிரதமர் அடல் பிகாரி வாஜ்பாய் அவர்களால் ஜிஎஸ்டி பற்றிய விவாதம் துவக்கி வைக்கப்பட்டது. 

இந்தியாவில் ஜிஎஸ்டியின் சரித்திரம் – ஆண்டுவாரியான நிகழ்வுகள்

imageedit_4_2974340017

சுருக்கம்

ஒற்றை ஒருங்கிணைந்த மறைமுக வரித்திட்டத்தை செயல்படுத்துவதன் மூலமாக தற்போது நடைமுறையில் உள்ள பல்வேறு மறைமுகவரிகள் இதற்குள் அடங்கும். இதன்மூலமாக நமது இந்தியாவின் பொருளாதாரம் பல்வேறுவழிகளில் முன்னேற்றமடையம்.:

  • இந்த வரிவிதிப்பு முறையால் நாட்டில் உள்ள தொழில் நிறுவனங்கள் ஒரு நல்ல சமவாய்ப்புள்ள போட்டித்தளத்தைப் பெறும்
  • சிறந்த வரிவிதிப்பு திட்டங்களை உடைய வெளிநாடுகளுக்கு இணையாக நமது நாடும் முன்னேறும்
  • அது வாடிக்கையாளருக்கு சிறிது லாபம் பெற உதவும். ஏனெனில் அவர் பல்வேறு நிலைகளின் ஒட்டுமொத்த வரியை இனி செலுத்தத் தேவையில்லை
  • இனி, சரக்கு மற்றும் சேவைகளுக்கு ஒற்றை வரிவிதிப்பு முறை இருக்கும்

Simplify Your GST Filing & Invoicing

Get Trained & Try Cleartax GST Software for FREE

Start Free GST Software Trial & Training

Use ClearTax to Match & Claim

10% Provisional ITC Accurately Before Filing

image-for-cta-300px
File Now